kyoon tu achchha lagta hai- waqt mila to sochen ge...
tujh men kya kya dekha hai- waqt mila to sochen ge...
saara shahr shanaasaai ka daa’we-daar to hai lekin...
kaun hamaara apna hai - waqt mila to sochen ge...
ham ne us ko likkha tha- kuch milne ki tadbeer karo...
us ne likh kar bheja hai- waqt mila to sochen ge...
mausam khushbu baad-i saba- chaand shafaq aur taaron men...
kaun tumhaare jaisa hai- waqt mila to sochen ge...
ya to apne dil ki maano- ya phir dunya waalon ki...
mashwarah uska achchha hai- waqt mila to sochen ge...
kyoon tu achchha lagta hai- waqt mila to sochen ge...
waqt mila to sochen ge- waqt mila to sochen ge...
No comments:
Post a Comment